Lyrics of ' Nha Vizinha (part. Helio Batalha) ' by Zeca di Nha Reinalda

Nha vizinha txoma Póla, el é uma bunitóna
Rapás tudu gosta del, es fla-l m'e ten kaderóna
Tudu ta zibia-l, ta konkista-l déntu di zóna
Póla pari sedu ku 24 e ten dôs fidju
Póla mai soltera, e ka ta vive ku maridu
I ku trabadju poku Póla sa ta pensa txeu
Modi k'e ta faze troku k'é p'e da fidju pitéu?
I sen lus na fundu túnel, nha vizinha sa ta txora
Inkuantu fidju sa ta kria, vida Póla sa ta piora
Ónti e pega na biskati, Póla ka ten skóla
Dja e fitxadu munti pórta, sunha txeu dipos p'e korda
Póla fla m'e dja sta fartu des vida ingratu
Ma kre m'e sa ta paga algun kastigu
Póla fla m'e dja sta fartu di vive en baxu
M'e kre vida midjór pa se mininu

Póla grita altu, Póla grita altu
Póla grita altu, kai n'obidu d'Angolanu
Angolanu fla si Póla kre m'e ta ranja-l trabadju
Pasapórti, kau di fika, alimentu, txeu kaskadju
Angolanu fla si Póla kre m'e ta pega txeu dólar
I di li dôs mes dipos ma mininus ta bai Angóla
Angolanu fla ma Póla ten perfil pa ser modelu
I na Luanda ta disfila so pa ómis ki ten dinheru

Vida pa li sta duru, nton, nu ten ki djobe la na stranjeru (nha nómi é Póla)
Rialidadi, fidju, saku baziu ka ta fika sakédu (N sa ta bai Angóla)
Vida pa li sta duru, nton, nu ten ki djobe la na stranjeru (nha nómi é Póla)
Rialidadi, fidju, saku baziu ka ta fika sakédu (N sa ta bai Angóla)

N sa ta bai Angóla pa N ba pega munti cash
Ser modelu, vida boa, pâpia gósi en purtugês
N sa ta bai Angóla, garantia di fin di mês
Da nha fidju kondisões matrikula-s na midjór krexe
N sa ta bai Angóla i invejózas ka ta kre
Li na rua es é munti, es ka ta sai-m di nha pé
Azaradas, más un dia nhos ta odja
N sa ta bai Angóla i nu ta pâpia óki N volta, akridita
N ka ta txiga na nhos pórta
Nhos praga N ka ta pega na ba fika-s kanhóta
Skese, xa-m entra déntu faze janta
Paparazzi ka merese kondisões di nha garganta
En brévi nu ta skese sofrimentu ki nu pasa
I si tudu kóre dretu nu ta brilha la na Luanda
(Póla, ruma mala, dja sta tudu konbinadu, manhan nu ta ba Angóla)
Palavras di Angolanu

Vida pa li sta duru, nton, nu ten ki djobe la na stranjeru (nha nómi é Póla)
Rialidadi, fidju, saku baziu ka ta fika sakédu (N sa ta bai Angóla)
Vida pa li sta duru, nton, nu ten ki djobe la na stranjeru (nha nómi é Póla)
Rialidadi, fidju, saku baziu ka ta fika sakédu (N sa ta bai Angóla)

Vida pa li sta duru, nton, nu ten ki djobe la na stranjeru (nha nómi é Póla)
Rialidadi, fidju, saku baziu ka ta fika sakédu (N sa ta bai Angóla)
Vida pa li sta duru, nton, nu ten ki djobe la, nu ten ki djobe la (nha nómi é Póla)
Rialidadi, fidju, saku baziu ka ta fika sakédu (N sa ta bai Angóla)

Póla txiga Angóla, séna era diferenti
Promésa mar di róza torna un riu trajikamenti
Póla tinha ki bendeba korpu kóntra se vontadi
Prostituisãu era kel puru rialidadi
Póla txora radianti, tinha ki ta pagaba dívida
Se dokumentu sa blokiadu, ka tinha alternativa
I Angolanu amiasa Póla: É fidjus ki ta paga si pur akazu un dia

Olha, o mambo é seguinte, eu já disse, não 'tás aqui de férias
Tens é que aceitar o que eu disse e ponto
Os cotas generais tão a me perguntar quando é que vais começar a trabalhar
Queres é me criar problema!
Tens é que pagar os custos que tive contigo
As passagens, os vistos, as roupas de grife
Achas que isto tudo caiu do céu?
Não esqueças, eu conheço teus filhos em Cabo Verde
Se não pagares por bem, vais pagar isso por mal
Tu sabes, o teu trabalho aqui é satisfazer os cotas e ponto final
Eles vão gostar, uma morena cabo-verdiana como tu, vão pagar muito bem
E não esqueça, eu tenho miti nesse bolo
Não brinca comigo, miúda, tu não me conheces
'Tás a gozar, hein?!
Já agora, eu não quero contar com miúdo que trazes aqui
Eu que mando nisso, levanta e faz o que eu digo pá!
Amanhã de manhã eu venho te buscar às 10h e tu vais começar a trabalhar
O general já ligou, amanhã às 10h começas! E não quero reclamações!
Levanta-te! Faz o que eu digo! Agora!

Vida pa li sta duru, nton, nu ten ki djobe la na stranjeru
Rialidadi, fidju, saku baziu ka ta fika sakédu
Vida pa li sta duru, nton, nu ten ki djobe la na stranjeru
Rialidadi, fidju, saku baziu ka ta fika sakédu