Lyrics of ' Nha Rap é Bensom (part. Helio Batalha & Heliane Imany) ' by Zeca di Nha Reinalda

N manxe ku vontadi xinti sól
Soris friu N dexa-l na lensól
Mama da-m benson pa bu fidju sa ta sai
19, fla kumétas ma Batalha sa ta bai
Kóntra tudu ki ben kóntra, kóntra tenpestadi
Kaminhus ki N ta anda no ka ten maldadi
N da tudu pa nha sonhu
Lágua, suór ku sangi, móda éra ki kai labanta, mó k'é mon di txan di kana

Ma nu ka móre, tudu sofrimentu pa más fórti
Perdidu nun dizértu nu faze nos própi nórti i nu kóre
Kédas ka po-m medu, N kontinua
N ka rakua mésmu kantu nu ka tinha nun supórti
I akridita tudu rima ben di korason
Kada son foi maniféstu puru móda un furakon
Nu baza sangi riba beat móda operason
Kai labanta firmi, pamó txon ka pode ser koltxon

(É benson o maldison?) Alves N ta pensa na dizisti, ma dizisti é ka opson
(É benson o maldison?) Alves N ta ri, alves N ta txora, alves silénsiu é midjór son
(Alves ta kóre, alves ta kai) ma na txon nu ka ta fika, kel-li k'é lei
(Alves ta kóre, alves ta kai) ma nu ten ki sakrifika, soris ten ki sai

Oji más ki nunka N ka sa liga
Vós di mundu ki N silensia kantu mi N grita
Kantu N géra, kantu N txora, kantu N sua
Kantu sen alternativa jilera sen nun kumida
Meiu dia sól ta subi pinga-pinga
Déntu trabadju na son di Goy lágua ta pinga
E ten razon, alegrias pode ben manhan
Di oji sertéza nhas denti ten más forsa ki Konan
I ka ten dias ki N ka da midjór di mi
I si rapper prega amor, akridita ka ten midjór pa li
Es fla ator ka ta fadiga, nton, mi é Bruce Lee
N kria na madrugadas palavras pa N ser kel MC
Kel MC ki ta imana sabiduria
Ki rasita kes rima na skinas fórti pa alforia
Ki na alvorada kanta pa salva periferia
Ki nunka para, manti firmi entri láguas i alegria

(É benson o maldison?) Alves N ta pensa na dizisti, ma dizisti é ka opson
(É benson o maldison?) Alves N ta ri, alves N ta txora, alves silénsiu é midjór son
(Alves ta kóre, alves ta kai) ma na txon nu ka ta fika, kel-li k'é lei
(Alves ta kóre, alves ta kai) ma nu ten ki sakrifika, soris ten ki sai

Ie, i oji rappers kre-m nha kabésa
Es pensa foi sórti? Kantu nu kai nu ka frakeja
I nu rasteja ku forsa di dés mil jiganti
Pamó nos meta é portons di univérsu más distanti, sen xansi
Ti fin di tudu nu ta fika li, ritrata ruas mó reinu di Spike Lee
Ku mésmu lirisismu ki otrora abita li
Na kurason di kes puéta imortal mó N bedjise
Inda N ta lenbra modi ónti prumeru rima ki N libera
Kumésu dun karera, kel puéta ki mi N ta serba
Na mei di békus i ladera, nha armuns, N vira kanéta reiada désdi inísiu
Fla-m ma N sa na xuxadera, éra sangi so, anus d'oru N xinti pulsason
Éra pé na txon di txada a txada i io pa gravason
Éra ilevason di kel puizia xei di informason
Didikason di prol en prol en nómi di kel salvason

(Nha rap é benson) móda diskursus ki abala anus 60
Renkarnason d'olhares fulminanti dun Black Panther
(Benson) nha rap é benson, purgunta ruas k'e raprizenta
Karega luas, ribenta kuras pa juras ki invéja inventa
(Nha rap é benson) pamó ku tudu láguas ki un dia kai
Nu manti firmi móda ezérsitu di dés mil samurai

Obrigadu, mai, bu véntri pa da homem ku H di herói
Si N bai manhan N fla nha filha ma legadu ka pode kai

(É benson o maldison?) E-e-e-e
(É benson o maldison?) E-e-e
(Alves ta kóre, alves ta kai) ma na txon nu ka ta fika, kel-li k'é lei, kel-li k'é lei
(Alves ta kóre, alves ta kai) nu ten ki sakrifika, nu ten ki sakrifika