Lyrics of 'Klingeltonmoritat' by Querschläger

i bin a echta Durchschnittsmann
an mir is gar nix bsunders dran
hab Frau und Kinder de i mag
siebn Gartenzwerg und oan Bausparvertrag
i lies die Krone schau oft fern
de Kastlruther hör i gern
i bin nid laut und aggressiv
nur mit mein Hund da laft was schief
mei Hasso is a wengerl gstört
weil er sofort zum Monster werd
wenn er an Klingelton hört
angfangt hat des letzte Wochn
mir warn draußn Lacki machen
hinter unserm Haus im Wald
weils dem Hasso halt da soviel gfallt
a Jogger is entgegnkemma
i sollt mei Viehch an d Leine nehma
hat a mi total angfäult
auf oamal hat sei Handy gläut
da is mit mein Hasso was passiert
er is zur Bestie mutiert
und hat den Jogger massakriert
blederweis war grodf a Frau
glei hinta uns de hat genau
beobachtet wie da Hasso grad
den Jogger fachgerecht ausboandlt hat
sie wollt glei d Polizei mit ihrn
neichn Handy alamiern
doch wia sie s aus m Taschl ziahgt
da hat sie wohl an Anruaf kriagt
es hat klingelt es tuat ma load
„Hallo" das war ihr letztes Wort
dann war der Hasso scho dort
als nächstes hat er an Jaga grissn
der is auf an Hochstand gsessn
hallali als Klingelton
mehr brauchst nid des is Provokation
drei Schwammerlsucher fiacht i werdn
a neahma ins Quartier zruck kehrn
das gleiche gilt fürs junge Madl
mit n Handy auf ihrm Radl
für das Liebespaar im Gras
den Ferschta mit an Nachtsichtglas
im Wald is allewal was los
so kann des do nid weiter geh
mei Hasso braucht a Therapie
hab i ma nach zwölf Opfer dacht
und hab glei an Termin fia eahm ausgmacht
da Dokta der hat ganz ernst gschaut
fast hätt er si nid redn traut
er hat s gemurmelt in sein Bart
was i hiatz sag is für sie hart
se haben koan Hund nid sans doch gscheid
i woaß des als ihr Therapeut
dann hat sei Handy scho gläut