Lyrics of 'Doezend keer 'n piek' by De Bende Van Baflo Bill

Wie wonnen met 'n verlotten nog wel ais 'n kilo speklappen of 'n Grunneger kouk
Mor dit is eem wat aans: de K. ter Loan Pries van Stichting 't Grunneger Bouk
Mit onze schokkende teksten binnen wie ambassadeurs van de Grunneger toal
Wie hebben alledrij doarveur 'n oorkonde kregen en wat 't mooiste is van allemoal
Doezend keer 'n piek
Ja reken moar 's oet
(Doezend keer 'n piek) Da's vatteg keer 'n geeltje en honderd keer 'n joet
(Doezend keer 'n piek) Veur elk en ain in Garrelsweer twij plakken stoet (aaahaaa)

Doezend keer 'n piek
Dat wordt 'n rekenderij
(Doezend keer 'n piek) Dat is viefhonderd gulden as je 't dailen deur twij
Mor hou mot dat din as je 't dailen willen deur... drij (aaahaaa)

Ik denk dat ik moar es goa informeren noar 'n cursus daipzeedoeken
En van K. ter Laan schaf ik alles aan, vooral zijn Groninger woordenboeken
En ik laat me verzorgen op een beautyfarm met een bubbelbad
En zotterdagoavend 'n gokje woagen in 't casino op het Kattendaip in stad
(Joa dat liekt mie wel wat)
(Harregat)

Doezend keer 'n piek
Dat komt wel op joazeker
Ik koop een ijsmachine en een cocktailshaker
En 't retrograde woordenboek van doctor Siemon Reker (aaahaaa)

De kostuumverhuur. dij was redelijk duur: twij smokings en 'n oavondjurk
En wie hebben veur de gasten en de jury en 't bestuur champagne onder de kurk
En om hier te kommen vanoet stad hebben wie ook nog 'n taxi beld
Ja, in tied van K. ter Loan was doezend gulden duudlek een bult meer geld

Doezend keer 'n piek
Is dat zwart of wit
(Doezend keer 'n piek) Wat dou je doar in dizze dure tied nog mit
(Doezend keer 'n piek) Mor weer es noadenken over 'n nije hit (aaahaaa)
Doezend keer 'n piek
Dat is 'n mooie gift
(Doezend keer 'n piek) Moar 'k wait nait of der zo nog wel wat over blift