Lyrics of 'Mehr Zyt' by Brandhärd

Y bruuch mehr Zyt für mi Lady, mehr Zyt für ins Studio.
Mehr Zyt für ins Training, mehr Zyt zum and Uni goh.
Mehr Zyt für an PC und mehr Zyt uf em WC,
doch wenn's so wyttergoht nimm-y e Syttestroos, brenn dure wie e CD.
Ych bruuch mehr Zyt für weniger, ha no sehr viel z'erledige.
Merksch wie ych, merksch wie ych, merksch wie ich predige?
Mehr Zyt zum gsund ässe, mehr Zyt zum dumm schwätze
über Grücht und Sprüch, die sind so früsch, wenn mr uns träffe.
Ja man, ych bruuch mehr Zyt, mehr Zyt zum Scheiss rede.
Mehr Zyt für mini Schueh, mehr Zyt zum mini Nikes pflege.
Ych bruuch mehr Zyt zum shoppe, mehr Zyt zum jogge.
Mehr Zyt fürs wixe und mehr Zyt fürs poppe.
Uups, ych ha poppe und wixe gseit, du hesch richtig ghört.
Poppe, wixe, poppe, wixe, ych hoff dass es dich nid stört.

Y ha kei Angst vor 'me Diss oder 'me peinliche Reim.
Zyt isch s'Einzig won-y vermiss, sie isch mi einzige Feind.
Ych ha kei Zyt unterwägs und keini drheim,
doch das isch glyych wenn-y rap, wenn du weisch was-y mein.

Y bruuch mehr Zyt im Ussgang, mehr Zyt zum mich usstobe.
Mehr Zyt wenn-y im Bett blyyb zum mich usschloofe.
Mehr Zyt für mi Land, aber nid für's Militär,
y könnt d'Bevölkerig au schütze wenn-y e verdammte Zivi wär.
Y bruuch mehr Zyt für so viel, wil ych sehr viel no will,
drum loss mi jetzt in Club, mini Lütt sin scho dinn.
Y ha kei Zyt für das scheiss Gschiss, du kasch nid nei sage,
y will sicher nonig heifahre, loss mi in dä Scheisslade!
Äääh, ych mein natürlich in dä Nobelschuppe,
wil euer Supersound kasch so schlächt loose dusse.
Also gib dr e Ruck und nimm vo däm Schnaps e Schluck,
aber befass dich jetzt mit uns und schick uns nid zur Kasse zrugg.
Nei, das isch kei Tagstift, dä isch für mi Blackbook,
drum loss mi ändlich yyne jetzt, süscht bin-y schlächt druff.
Y lieb Graffiti, doch würd nie tage uf eurer Schissi,
zumindest ab jetzt, falls mi yynelosch wär alles easy.

Refrain

Y bruuch mehr Zyt für mi, mehr Zyt zum nasebohre.
Mehr Zyt zum Lütt yylade, y ha di Kreditkarte gstohle.
Mehr Zyt für Schadefreud, ha dr di Spass verdorbe?
Tja, denn bruuch-y jetzt mehr Zyt für Härti zum dir dr Arsch versohle.
Y bruuch mehr Zyt zum bös syy wie e Satansorde.
Mehr Zyt zum drheiblyybe, als hätt-y mi Pass verlore.
Mehr Zyt für Wüsseschaft zum mini Partner klone.
Mehr für d'Fasnacht und dr FCB, drum bin-y Basler worde.
Du frogsch: was sin denn das für Sorge, andre goht's viel schlächter.
Das stimmt, doch y nimm was y will wie Yybrächer.
Y nimm mr mehr Zyt für Kollege, mehr Zyt für mini Lütt,
mehr Zyt zum mit'ne rede und morn mach-y denn so viel wie nütt.
Y nimm mr mehr Zyt für's reise, mehr Zyt zum Büecher läse,
mehr Zyt zum euch Toys mit Platte vo früehner närve.
Y will no so viel erläbe, drum nimm mr mehr Zyt,
mehr Zyt damit-y mehr schryb, jäwohl mehr Zyt wäri s'Derbsti.